علاقتي معه قاربت على السنة الثالثة وعدني واعطاني كلمة انه راح يتقدم بالموعد اللي اعطاني هو لكن يوجد شي مرددني انا انسانه احب الحياة احب اطلع احب اجرب امور جديدة تعبانه على نفسي دايما احاول اطورها من كل النواحي وهو انسان جيد وصفات كثيرة فيه حلوه لكن في امور مخوفتني فيه انا قريبا راح يكون داومي بمكان مختلط وهو رافض ذا الشي وماراح اترك احلامي عشانه

لما اطلع السوق نتخاصم صارحته اكثر من مره وحاولت وهو حسب كلامه حاول يتغير لكن نرجع لنفس النقطة يحاول انه يتحكم بادق التفاصيل لاتحطي مناكير لا تسوي مدري ايش !! احس ان الحب لوحده مايكفي واخاف ارمي نفسي بجهنم مااقدر اتحمل النوعيات اللي تفكر كذا انا صابره على مجتمعي مو عشان اتزوج واحد كذا يعاملني حتى عند اهلي احس اني بحرية اكثر

كيف اعيش معاه بعد كذا وهو بذا التفكير رغم اني احسه واعي ببعض امور وانسان طيب لكن احس اني مااتحمل ذا الاسلوب واللي خوفني اكثر انه نتفق على اشياء وهوا بعدين يروح يسويها انا اتوجس من الانسان المتناقض مثلا اتفقنا مااضيف عندي رجال وهو نفس الشي مايضيف بنات وهذا قراره وفعلا التزمت بالبداية لكن اكثر من مره خالف كلامه

صح موقف بسيط بس اخاف انه يدل على شي اكبر + كان راح يشتغل بمجال اختلاط وحصل ظرف وبطل وذي الفترة كان راح يوافق على عملي مو معقولة انا اكون تابعه له اذا اشتغل انا مسموح لي واذا لا انا كمان مايصير وعيب وحرام الاختلاط وهو كان راح يشتغل فيه ؟! اخر قرار قلته له اني مااقدر اكمل معاه بذا الاسلوب وبذي الحياة لاني فعلا احس الحب لوحده مايكفي اتمنى مايكون قراري خطأ لكني اخترت نفسي وراحتي رغم حبي الكبير له والله المستعان