انا تعبت من الوضع الي انا فيه الحمد الله بعد الي طبقت واستفدته من الدورات صار علاقتنا زينه وهو مايقصر اي شيء اباه اوفري اياه وعلاقتنا الحميميه زينه وانا كل فتره اكلمه عن موضوع التاخير لانه يرجع البيت متاخر وايد وماييلس ويايه يعني يكون موجود عندي يوم بيرقد واذا صحى يلس معانا دقايق ونلتقي وقت الوجبات وانا كل مره اختار وقت مناسبه واكلمه اب اسلوب حلو من يصحى ياكل وييلس في المجلس ويقفل عليه الباب او يطلع يوم يرجع اتم هناك لين الفجر يوميا على هالوضع ومرات يرجع عندي الغرفه الفجر يسبح ويلبس واسير الدوام كل مره اكلمه عن هالموضوع انه هالشيء اضايجني واعطيه حلول انا اتم اصلا واعيه لين مايرجع وهو يدري واقوله تعال منشوف فلم واسويله اشياء وكل مره اقترح عليه منلعب العاب مثل الي في الدورات يرفض المهم اخر مره من شهر تقريبا او اكثر قالي ماباج اتردين اتكلميني في الموضوع هذا واتفقت وياه انه مهما تعبت وضايجني هالشيء ما اكلمه وانه هو تعود جيه وقالي دوريلج شيء غيري تسلين وياه وخليني اعيش حياتي مثل ما ابا وانا يوميا اكشخ واكون انيقه ولبس الصبح غير عن الظهر وغير عن الليل انا تعبت شو الحل

حس اني قطعه من الاثاث طول ماهو صاحي مايكون عندي وانا ارقد اليهال واقعد روحي للفجر ....